ودي امووت اليوم وعيش باكر
وشوف من هو بعد موتي فقدني
ومن هو حملني لين ذيك المقابر
واشكر انا كل من كرمني ودفني
وباشوف انا يرثيني كم شاعر
ومن هو تركني وماكتب شي عني
شخص تعنالي مع انه مسافر
وشخص قريب ونا ميت طعني
وشخص يمثل دمعته ماهو قادر
وشخص تطيح دموعه كلما ذكرني
ومن هو من اهلي في العزا كان حاضر
ومن هو دعالي في صلاته ورحمني
ومن هو بنا باسمي سبيل ومنابر
ومن هو يفز قلبه الامن لمحني
ومن هو عشاني طول ليام ساهر
ومن هو ثلاث ايام ورح وتركني
ومن هو يرتب غرفتي ودفاتر
ولاشاف صوره لي مات وحظني
يالله عسى ماتخفى كل المشاعر
ويالله عسى ماينصدم يوم ظني
خايف يروح العمر واكون خاسر
وان طار طيري مايفيد التمني
وخايف يجيني وقت اكسر خواطر
ان دارت الدنيا وزماني كسرني
ومدام هذه الدنيا صارت مظاهر
وكل من على كيفه وجوه يغني
صحيح مسلم لاكن الهم كافر
كلما بغيت اضحك يهددني حزني
الظيق وافي والحزن حيل وافي
ولجرح اكثر شي شفته يحبني
عايش وميت بين ماضي وحاضر
والصبر مفتاح الفرج ضاع مني
قل وش تبي وتتركني ياحزني آمر
مسكين فرحي تصدق انه وحشني
شاعر ولاكني ماني بشاعر
ودي امووت اليوم ورتاح مني
مًزُآجَيْ :)
الإثنين يناير 21, 2013 8:12 pm
